“Liverpul” Liga kubogining birinchi yarim finalida “Tottenxem”ga mag‘lub bo‘ldi (0:1). Anje Postekoglu shogirdlari 86-daqiqada Lukas Bergvallning goli evaziga o‘z uylarida g‘alaba qozonishdi.
“Qizillar” uchun bu mag‘lubiyat joriy mavsumdagi ikkinchisi bo‘ldi. Mersisaydliklarning oldingi omadsizligi sentyabr oyiga to‘g‘ri keladi, o‘shanda ular Premyer-ligada “Nottingem Forest”dan kichik hisobda mag‘lubiyatga uchragandi.
Opta ma’lumotlariga ko‘ra, “Liverpul”ning barcha musobaqalardagi mag‘lubiyatsiz seriyasi 24 uchrashuv davom etgan (20 g‘alaba va to‘rt durang).
Premyer-liga turnir jadvalining amaldagi peshqadami Arne Slot qo‘l ostida ilk bor mehmonda mag‘lub bo‘lgani ham etiborga molik.