Vinger Alexandro Garnacho “Manchester Yunayted”dan “Chelsi”ga o‘tishi mumkin. Avvalroq, “qizil iblislar” 21 yoshli argentinalikni 50 million funtga (taxminan 57,7 million yevro) sotishga tayyorligi haqida xabarlar tarqalgan edi. Londonda bitimni kamroq summaga yopishni mo‘ljallashyapti.
Sky Sports xabariga ko‘ra, “Chelsi” Garnachoni yanada arzonroq narxda sotib olish mumkinligiga ishonmoqda. “Aristokratlar” kelishuvni muvaffaqiyatli yakunlash uchun hatto yozgi transfer oynasi oxirigacha kutishga ham tayyor.
Xabaringiz bor, Alexandro Garnacho “Manchester Yunayted”ning asosiy jamoasida mashg‘ulot o‘tkazmayapti, sababi u Ruben Amorimning rejalaridan o‘rin olmagan.