“Chelsi” yozgi transfer oynasida “Real” yarim himoyachisi Orelyen Tchuameni bilan shartnoma imzolash variantini ko‘rib chiqmoqda. Bu bitim o‘zaro almashinuv doirasida amalga oshishi mumkin.
Insayder Saymon Fillipsning so‘zlariga ko‘ra, madridliklar esa “Chelsi” futbolchisi Enso Fernandesga qiziqish bildirmoqda.
Fernandes ikki yil oldin “Chelsi”ga 106,8 million funt sterling evaziga kelib qo‘shilgan bo‘lib, bu o‘sha paytda Buyuk Britaniyada rekord summa edi. Uning shartnomasi 2032 yilgacha amal qiladi.
FourFourTwo nashrining ma’lumotiga ko‘ra, bunday bitimning amalga oshishi juda ehtimolsiz. Fernandesning shartnomasi yana yetti yil davom etishi uning transfer bozoridagi narxi qanchalik baland ekanligini ko‘rsatadi.