Chempionlar ligasida haftaning eng yaxshi futbolchisi uchun ovoz berish yakunlandi. UEFA matbuot xizmati xabariga ko‘ra, individual sovrinni Fransiyaning “PSJ” klubi himoyachisi Ashraf Hakimiyni ortda qoldirib, Milanning “Inter” klubi darvozaboni Yann Zommer oldi.
“Barselona” bilan yarim final javob uchrashuvida darvozabon 7 marta seyv amalga oshirdi.
Eslatib o‘tamiz, “Inter” va “PSJ” Chempionlar ligasi finalida to‘qnash keladi. Hal qiluvchi bahs 31 may kuni Myunxendagi stadionda bo‘lib o‘tadi.