Xorvatiya terma jamoasi bosh murabbiyi Zlatko Dalich Luka Modrichning “Santyago Bernabeu”dagi xayrlashuv o‘yiniga tashrif buyurdi.
39 yoshli yarim himoyachi “qaymoqranglilar” safini erkin agent sifatida tark etadi. Shanba kuni xorvatiyalik “Real Sosyedad”ni mag‘lub etishga yordam berdi (2:0), shundan so‘ng Madrid grandi muxlislari bilan xayrlashdi.
“Bunday voqeaga guvoh bo‘lish men uchun sharaf edi. “Real” o‘z tarixidagi eng sovrindor futbolchi bilan xayrlashdi. Luka uchun bu oson emas, ammo u har doimgidek uddalaydi,” – deya Dalichning so‘zlarini keltiradi Madrid Universal.