Ispaniyalik mashhur sobiq futbolchi David Vilya “Barselona” vingeri Lamin Yamalning muvaffaqiyatlari haqida fikr bildirdi.
“Ko‘k-anorranglilar”ning 18 yoshli futbolchisi ajoyib o‘tgan mavsumdan keyin “Oltin to‘p”ga da’vogarlardan biri hisoblanadi.
“Bu bolada aql bovar qilmaydigan iste’dod bor va u kutilganidan ko‘ra tezroq muvaffaqiyatga erishdi. Bizga omad kulib boqdi, chunki uning o‘yinidan muntazam bahramand bo‘lishimiz mumkin. U bizga hali ko‘p quvonch keltiradi. U endigina 18 yoshda, uning ambisiyalari juda katta, lekin men sabrli bo‘lish kerak deb hisoblayman. Men unga yordam berishlarini, yo‘l-yo‘riq ko‘rsatishlarini, qo‘llab-quvvatlashlarini istayman, chunki gap alohida iste’dod haqida ketmoqda – bundaylar o‘n yillarda bir marta paydo bo‘ladi,” – deya Vilyaning so‘zlarini keltiradi ispan OAV.