“PSJ” darvozaboni Janluiji Donnarumma yozda “Chelsi”ga o‘tishi mumkin.
L’Equipe xabariga ko‘ra, 26 yoshli italiyalik futbolchining kelajagi uning Parij klubi bilan shartnomani uzaytirish istagiga bog‘liq. Ayni paytda yangi kelishuv bilan bog‘liq vaziyat noaniq.
Donnarummaning amaldagi shartnomasi 2026 yilga qadar imzolangan. Transfermarkt portali darvozabonning narxini 40 million yevroga baholamoqda.
2024/25 yilgi mavsumda Donnarumma barcha turnirlarda 46 ta o‘yinda maydonga tushdi va 40 ta gol o‘tkazib yubordi. U 17 bor darvozasi daxlsizligini saqlab qolgan.