Viktor Dyokeresh yana Portugaliya chempionatining to‘purarlar poygasida g‘olib chiqdi.
“Sporting” forvardi ikki karra Portugaliya chempioni bo‘ldi. Shvesiyalik hujumchi 33 ta o‘yinda 39 ta gol urgan.
Uning eng yaqin ta’qibchilari – “Benfika”dan Evangelos Pavlidis va “Portu”dan Samu Agexova 19 tadan gol urishdi.
Viktor “gol+pas” tizimi bo‘yicha ham mavsumning eng yaxshi futbolchisi bo‘ldi. Uning hisobida 46 (39+7) ochko bor.
Turnirning eng yaxshi assistenti “Sporting”dagi sherigi Fransishku Trinkau 14 ta golli uzatma bilan bo‘ldi.
Eslatib o‘tamiz, bir yil avval ham shvesiyalik futbolchi 33 o‘yinda 29ta gol urib, chempionat to‘purariga aylangandi.