Tojikiston poytaxtida o‘tkazilayotgan dzyudo bo‘yicha “Katta dubulg‘a” musobaqasining ikkinchi kunida O‘zbekiston terma jamoasi yana ikki medalga sazovor bo‘ldi.
O‘rta vazn toifasidagi bellashuvlarda yigitlarimiz o‘z nomlarini sovrindorlar qatoriga yozdirib qo‘yishdi.
-73 kg vazn toifasidagi bahslarda Hojiakbar Toshev, -81 kg vazn toifasidagi bellashuvlarda esa Murodjon Yo‘ldoshev bronza medallarini qo‘lga kiritishdi.
Kecha vakillarimiz musobaqaning ilk kunida bitta kumush va bitta bronza medaliga sazovor bo‘lishgandi.