“Manchester Yunayted” sardori Brunu Fernandeshning kelajagi so‘roq ostida qolmoqda – portugaliyalikning vakillari “Al-Hilol” prezidenti Fahad bin Nafel bilan uchrashuv o‘tkazdi. Bu haqda insayder Sasha Tavolyeri xabar bermoqda.
Manbaga ko‘ra, muzokaralar Londonda bo‘lib o‘tgan, u yerda Saudiya klubi futbolchiga o‘zining ulkan sport loyihasini taqdim etgan va uch yillik shartnoma taklif qilgan. Fernandesh uchun asosiy shart ish haqi darajasi bo‘lishi mumkin – u yiliga taxminan 30 million yevro daromad olishni mo‘ljallamoqda.
Hozircha tomonlar o‘rtasida yakuniy kelishuv yo‘q, ammo uchrashuvning o‘zi “Al-Hilol”ning jiddiy niyatlari borligini ko‘rsatadi.