Kataloniyaning «Barselona» klubi bosh murabbiyi Xans-Diter Flik ispan jurnalistlarining kuchli yomg‘ir va ko‘chkilar tufayli kamida yuz kishi halok bo‘lgan Valensiya provinsiyasida yuz bergan fojia bilan bog‘liq savollariga javob berdi.
Nemis mutaxassisi bunday sharoitda butun turni bekor qilish haqida o‘ylashini aniq aytdi.
«Agar menga qolsa, butun turni bekor qilgan bo‘lardim. Bu shunchaki Valensiya uchun emas, balki butun Ispaniya uchun fojia. Ammo La Liga rahbariyati o‘zlari nimani to‘g‘ri deb bilgan bo‘lsa, shunday qaror qildi», deya Flik so‘zlarini keltirmoqda «MD».
Ispaniya chempionatining navbatdagi turida «Barselona» «Espanyol» bilan o‘ynashi kerak, bu yakshanba kuni sodir bo‘ladi.