“Manchester Yunayted”ning argentinalik vingeri Alexandro Garnacho yaqin kelajakdagi rejalari haqida bir qarorga keldi, deya xabar beradi jurnalist Nikolo Skira.
Insayderning fikricha, 20 yoshli futbolchi joriy transfer oynasida Tumanli Albionni tark etmoqchi emas. Garnachoga boshqa chempionatlardan qiziqish bor, ammo futbolchi Angliya Premyer-ligasida qolishni istamoqda.
Argentinalik futbolchining bozor qiymati 45 million yevroga baholanmoqda. Garnacho va “qizil iblislar” o‘rtasidagi amaldagi mehnat shartnomasi 2028 yilda tugaydi. O‘tgan mavsumda Alexandro 58ta o‘yinda maydonga tushib, 11ta gol va 10ta golli uzatmani amalga oshirdi.