“Al-Ayn” darvozasiga 6 ta gol urgan “Man Siti”ning o‘yinidan Ilkay Gyundogan mamnun emasdi.
Mankunianliklar klublar o‘rtasidagi jahon chempionatining 2-turida BAA klubini mag‘lub etishdi (6:0). “Shaharliklar” sardori ikkita gol urdi va uchrashuvning eng yaxshi futbolchisi deb topildi.
“Oxirida yettinchi gol kerak degan his bor edi. Tanaffusda o‘z oldimizga bu maqsadni qo‘ygan edik, lekin afsuski, ikkinchi bo‘limni yetarlicha yaxshi boshlamadik, biroz sust bo‘ldik.
Birinchi bo‘limda ham pas va o‘yin borasida unchalik aniq bo‘lmagan qisqa davrlar bo‘ldi.
Yettinchi gol bizga yordam bergan bo‘lardi, ammo bu ham muhim emas. Biz “Yuventus”ga qarshi o‘yinda yaxshi o‘ynab, g‘alaba qozonishimiz kerak”, – deydi “Manchester Siti” yarim himoyachisi.
“Siti” 26 iyun kuni jahon chempionatining uchinchi turida “Yuventus” bilan o‘ynaydi.