1 yanvar kuni “Arsenal” Angliya Premyer-ligasining 19-turida “Brentford”ni mehmonda mag‘lub etdi – 3:1.
“Kanonirlar”ning gollaridan birining muallifi braziliyalik hujumchi Gabriel Jezus bo‘ldi.
Jezus deyarli 8 yildan beri Premyer-ligada o‘ynamoqda (u 2017 yilning 21 yanvarida ligada debyut qilgan) va bu vaqt ichida braziliyalik futbolchi gol urgan birorta ham o‘yinda uning jamoasi mag‘lub bo‘lmagan. ESPN xabariga ko‘ra, Jezusda shunday o‘yinlar soni 62 taga yetdi.