Dortmundning “Borussiya” klubi bosh murabbiyi Niko Kovach Xans-Diter Flikning “Barselona”dagi faoliyati haqida fikr bildirdi.
Nemis mutaxassisi o‘tgan yozda “ko‘k-anorranglilar”ni boshqarishni boshlagandi.
Kataloniyaliklar ayni damda La Liga, Qirol kubogi va Chempionlar ligasida g‘alaba qozonishni maqsad qilgan.
YECHL chorak finalida jamoa “Borussiya”ga qarshi o‘ynaydi – o‘yinlar 9 va 15 aprel kunlari bo‘lib o‘tadi.
“Men Flikdan “Barselona”da muvaffaqiyat qozonishini kutaman. O‘ylaymanki, klub uni tayinlashdan oldin yaxshilab o‘ylab ko‘rdi va uning “Bavariya” va Germaniya terma jamoasida o‘ynagan futboliga baho berdi. Flik jamoalari tezkor, hujumkor futbol o‘ynashadi”, dedi Kovach matbuot anjumanida.