35 yoshli Toni Kroos futboldan qisqa dam olgandan so‘ng, yangi sohada ish boshladi. 2014 yilgi jahon chempioni o‘zining Instagram sahifasida agentlik faoliyatiga kirishganini e’lon qildi.
Mukofotlarga boy bo‘lgan sobiq futbolchi Sports360 kompaniyasi aksiyadoriga aylandi. Mazkur agentlik Kroosning futbolchilik davrida uning manfaatlarini himoya qilgan. Hozirda Alan Varela, Angelo Shtiller va Vangelis Pavlidis agentlikning eng qimmatbaho mijozlari hisoblanadi.
«Faoliyatim yakunlanganidan so‘ng Sports360 oilasida sherik bo‘lganimdan xursandman. Men ayrim futbolchilarga sport yo‘lida maslahatlar berib, o‘z tajribam bilan o‘rtoqlashaman», — dedi Kroos.
Afsonaviy yarim himoyachi Yevro-2024 musobaqasidan so‘ng futbolchilik faoliyatini yakunladi. U oxirgi mavsumida to‘rtinchi marta La Liga chempioni va «Real» bilan beshinchi marta Chempionlar ligasi g‘olibi bo‘ldi.