“Barselona” “Malyorka”ga qarshi o‘yinning 1-bo‘limida ikki kishi ko‘p bo‘lib qoldi.
Jamoalar Ispaniya chempionatining 1-turida to‘qnash kelishmoqda, ikkinchi bo‘lim boshlandi, hisob “ko‘k-anorranglilar” foydasiga 2:0.
Uchrashuvning 33-daqiqasidayoq mezbonlar bir kishi kam bo‘lib qolishdi, yarim himoyachi Manuel Morlanes Lamin Yamalga nisbatan ishlatgan qo‘polligi uchun ikkinchi sariq kartochkani oldi. Ilk sariq kartochkasini u 24-daqiqada hakam bilan bahslashgani uchun olgandi.
36-daqiqada hujumchi Vedat Muriki jarima maydoni chizig‘i ustida “Barselona” darvozaboni Joan Garsiyaning boshi yoki bo‘yniga butsasining tagi bilan zarba berdi. Avvaliga hakam Kosovo terma jamoasi futbolchisini ogohlantirdi, ammo takroriy vaziyatni o‘rganib chiqqach, uni maydondan chetlatishga qaror qildi.
Shu tariqa, “Malyorka” birinchi bo‘limni to‘qqiz kishi bo‘lib yakunladi.
