«Manchester Siti» klubi yarim himoyachi Ilkay Gyundoganni Turkiyaning «Galatasaroy» jamoasiga qo‘yib yuborishi mumkin.
Istanbulliklar 34 yoshli yarim himoyachiga qiziqish bildirayotgani haqidagi xabarlar o‘tgan hafta tarqalgan edi.
The Guardian nashrining ma’lum qilishicha, turk klubi qishki transfer oynasidayoq Gyundoganni qo‘lga kiritishni istagan, ammo o‘shanda «Siti» mavsumning o‘rtasida uni qo‘yib yuborishni istamagan.
Hozir esa «Galatasaroy» futbolchini o‘z safiga qo‘shib olish imkoniyatini ko‘rib chiqmoqda va «shaharliklar» bu transferga qarshi emas.
Manbaga ko‘ra, Gyundogan klubni bepul tark etishi mumkin, garchi uning shartnomasi 2026 yil yozigacha uzaytirilgan bo‘lsa ham.
Aytishlaricha, asli turkiyalik bo‘lgan ota-onadan dunyoga kelgan Germaniya milliy jamoasi futbolchisi Turkiya Superligasi chempionlaridan biri bo‘lgan «Galatasaroy»da to‘p surishni istamoqda.