“Manchester Siti”da yarim himoyachi Mateo Kovachichning kelajagi bo‘yicha qaror qabul qilindi. Nufuzli insayder Fabrisio Romanoning ijtimoiy tarmoqlarda ma’lum qilishicha, “shaharliklar” rahbariyati va murabbiylar shtabi 31 yoshli xorvatiyalikning 2025/2026 yilgi mavsumda ham jamoada qolishini istamoqda.
Qayd etilishicha, so‘nggi haftalarda Kovachichga Saudiya Arabistonidan takliflar bo‘lgan. Vaholanki, futbolchi bor e’tiborini “Manchester Siti”ga qaratgan.
Mateo Kovachichning “Manchester Siti” bilan amaldagi shartnomasi 2027 yilning yarmigacha mo‘ljallangan. Nufuzli Transfermarkt portali mutaxassislari xorvatni 20 million yevroga baholamoqda.