“Chelsi” bosh murabbiyi Enso Mareska jamoasining qaysi pozisiyasi kuchaytirilishi kerakligini aytdi.
Premyer-liganing yangi mavsumi boshlanishi arafasida “ko‘klar” markaziy himoyachi Levi Kolvillni yo‘qotishdi – u xochsimon bog‘lam uzilishi tufayli uzoq muddatga safdan chiqdi. Londonliklar bosh murabbiyi klub muhim futbolchiga o‘rinbosar qidirayotganini tan oldi.
“Himoya markazini kuchaytirish – bizning ustuvor vazifamiz, Kolvill – fantastik o‘yinchi. O‘tgan mavsumdagi barcha yutuqlarimiz uning yordamida qo‘lga kiritildi. U biz uchun juda muhim, doim asosiy tarkibda o‘ynagan, uning yo‘qligi seziladi,” – deya Mareskaning so‘zlarini keltiradi jurnalist Nizaar Kinsella.
17 avgust kuni Angliya chempionati 1-turida “Chelsi” o‘z maydonida “Kristal Pelas”ni qabul qiladi.