“Real” hujumchisi Kilian Mbappe ukasi Etan uchun “PSJ”da qolishi mumkin edi.
Har ikki futbolchi o‘tgan mavsum yakunlanganidan so‘ng Parij klubini tark etishdi. “PSJ” rahbariyati yulduz Kilianni saqlab qolishga harakat qildi, ammo u shartnomani uzaytirishdan bosh tortdi va “Real”ga o‘tishga qaror qildi. Bu Etanning taqdiriga ham ta’sir qildi – uning shartnomasi ham uzaytirilmadi va u “Lill”ga ko‘chib o‘tishga majbur bo‘ldi.
“Ukam uchun “PSJ” xuddi men uchun “Real” kabi orzu edi. Bir payt men unga aytdim: “Men “Real Madrid”ni orzu qilaman, lekin agar bu sizning “PSJ”dagi faoliyatingizga putur yetkazsa, u yerga borishdan voz kechishim mumkin”. U mening ukam, men shartnomani uzaytirib, Parijda qolardim. Keyin u shunday qarorga keldi: “PSJ” sizga bunday munosabatda bo‘lganidan so‘ng, biz ketishimiz kerak”, – deya esladi Mbappe katta CliqueTV telekanaliga bergan intervyusida.