“An-Nasr” hujumchisi Jon Duranga Italiya chempionatining birdaniga uch vakili qiziqish bildirmoqda.
Kolumbiyalik futbolchi Saudiya Arabistoniga bor-yo‘g‘i yarim yil oldin ko‘chib o‘tgan – uning transferi Ar-Riyod klubiga 77 mln yevroga tushgan. Yosh hujumchi yangi sharoitlarga moslasha olmadi va tez orada Yevropaga qaytishi mumkin. TuttoMercatoWeb xabariga ko‘ra, Duran bilan aloqaga chiqqan “Milan”, “Napoli” va “Roma” uni taklif qilmoqchi. Gap ijara haqida ketsa kerak.
Jon Duran “An-Nasr” safida 18 ta o‘yinda 12 ta gol urgan. “Aston Villa”ning 21 yoshli sobiq futbolchisi xizmatiga Angliya Premyer-ligasi klublari ham qiziqish bildirmoqda.