Madridning “Real” klubi yarim himoyachisi Luka Modrich “Santyago Bernabeu”dagi so‘nggi o‘yinida “Real Sosyedad”ga qarshi o‘yinda penalti tepishdan bosh tortdi.
Uchrashuv shanba kuni bo‘lib o‘tdi va “qaymoqranglilar”ning 2:0 hisobidagi g‘alabasi bilan yakunlandi. Birinchi bo‘lim oxirida madridliklar penalti ishlab oldi – Kilian Mbappe nuqtaga yaqinlashdi.
“Penaltidan zarba bermaysanmi?” – dedi himoyachi Raul Asensio Modrichga. – Yo‘q, yo‘q, buni Mbappe qilishi kerak… Kilian, ur, – dedi xorvat. Futbolchilarning dialogini Madrid Zone taqdim etadi.
39 yoshli xavbek La Liganing eng yaxshi to‘purari bo‘lish uchun kurashayotgan fransuzga gol ko‘proq kerak deb hisoblagan.