Luka Modrich “Real Madrid”da kubok qo‘lga kiritish bo‘yicha klub rekordini yangiladi.
Madrid klubi finalda “Pachuka”ni mag‘lub etib (3:0) qit’alararo kubokni qo‘lga kiritdi.
Bu Modrichning “Real Madrid” tarkibidagi 28-sovrinidir – xorvatiyalik yarim himoyachi klub tarixidagi eng ko‘p mukofot olgan futbolchi hisoblanadi. Daniel Karvaxalda 27 ta, Nachoda 26 ta, Karim Benzema va Marseloda 25 tadan sovrin bor.
Qayd etish kerakki, ayrim manbalar Nachoning 2014 yilgi Yevropa Superkubogidagi g‘alabasini sovrinlar ro‘yxatiga kiritmagan, chunki u o‘yin qaydnomasida bo‘lmagan.