«Liverpul” hujumchisi Muhammad Saloh APL 26-turidan o‘rin olgan “Manchester Siti“ga qarshi o‘yinning birinchi bo‘limida gol va samarali uzatma muallifiga aylandi.
«Opta Sports» xabariga ko‘ra, 32 yoshli misrlik futbolchi Angliya chempionati tarixida ikki mavsumda 40+ samarali harakat qilgan ilk futbolchiga aylandi. U joriy mavsumda 25 ta gol va 16 ta golli uzatmaga mualliflik qildi.
Bundan tashqari, Saloh mavsum davomida safarda gol urish bo‘yicha APL rekordini takrorladi (16) va APL tarixida birinchi bo‘lib amaldagi chempionga qarshi mavsumning har ikki o‘yinida gol+pas muallifi bo‘ldi.
Hujumchi 2017 yildan beri “Liverpul” sharafini himoya qilmoqda. Avvalroq u APLda “Chelsi”da ham o‘ynagan (2014 yildan 2016 yilgacha).