“Bavariya” yarim himoyachisi Jamol Musiala shu oy boshida rasman MLSning “Vankuver Uaytkeps” klubiga o‘tgan sobiq jamoadoshi Tomas Myullerga omad tiladi.
«Hammasini qadrlang, Tomas. Vankuverda vaqtingizni maroqli o‘tkazishingizni tilayman! Biz sizni sog‘inib qolamiz», – deb yozdi Musiala ijtimoiy tarmoqda.
35 yoshli futbolchi 2025 yilning yozida klublar o‘rtasidagi jahon chempionati yakunlangach, “Bavariya”ni tark etgandi. Myuller myunxenliklar safida barcha musobaqalarda 756 ta o‘yin o‘tkazib, 250 ta gol urgan va 276 ta golli uzatmani amalga oshirgan.