“Manchester Yunayted” “Napoli”ning vinger Alexandro Garnacho bo‘yicha birinchi taklifini rad etdi.
Manchester Evening News xabariga ko‘ra, ingliz klubi 20 yoshli argentinalik futbolchini “Napoli”ga 40 million funt sterlingga sotishdan bosh tortgan.
Neapolliklar bosh murabbiyi Antonio Konte Garnachoni tez orada “PSJ” futbolchisiga aylanadigan Xvicha Kvarasxeliyaning o‘rnini bosuvchi futbolchi sifatida ko‘rmoqda.
Garnachoning “Manchester Yunayted” bilan shartnomasi 2028 yilning yoziga qadar amal qiladi. Joriy mavsumda futbolchi barcha turnirlarda 31 ta uchrashuvda 8 ta gol urdi va 5 ta golli uzatmani amalga oshirdi.