“Manchester Yunayted” “Sautgempton” darvozaboni Aaron Ramsdeylga qiziqish bildirayotgan klublar qatorida.
Ramsdeyl kelasi yozda “Sautgempton”ni tark etishi kutilmoqda. Aaron “avliyolar”ning Premyer-ligadan tushib ketishiga to‘sqinlik qila olmadi va klub Angliya terma jamoasi darvozaboniga Chempionshipda haftasiga 100 000 funt sterling to‘lashga tayyor emas.
Ayni paytda “Manchester Yunayted” bosh murabbiyi Ruben Amorim darvozada Andre Onana va Altay Bayindirga raqobat qo‘shadigan futbolchi qidirmoqda.
The Sun “Manchester Yunayted” so‘nggi o‘yinlarda 26 yoshli Ramsdeylni kuzatayotganini aniqladi. “Qizil iblislar” Aaronning Premyer-ligadagi tajribasini yuqori baholaydi.
Ramsdeylning uch xil klub bilan Premyer-ligadan tushib ketgani “Manchester Yunayted”ni bezovta qilmaydi.