“Liverpul” o‘z hujumchisi Darvin Nunyesga Germaniyaga borishi uchun “yashil chiroq” yoqdi, u yerda futbolchi Saudiya Arabistonining “Al-Hilol” klubiga o‘tishidan oldin tibbiy ko‘rikdan o‘tadi. Taniqli jurnalist Ben Jeykobs shunday ma’lumot bilan bo‘lishdi.
Manbaga ko‘ra, bugun Nunyes jamoadoshlari bilan xayrlashadi.
Hujumchi 2024/25 yilgi mavsumda barcha musobaqalarni hisobga olgan holda 47 ta o‘yinda maydonga tushib, 7 marta raqiblar darvozasini ishg‘ol qildi va 7 ta golli uzatmani amalga oshirdi.
Avvalroq, 26 yoshli urugvaylik futbolchining xaridi “Al-Hilol”ga bonuslar bilan birga 65 million yevroga tushishi xabar qilingandi.