“Bavariya” Chempionlar ligasini ajoyib g‘alaba bilan boshladi. Umumiy bosqich 1-tur uchrashuvida Myunxen klubi Zagrebning “Dinamo” klubini qabul qildi va 9:2 hisobida zafar quchdi.
2024 yilning yozida “Kristal Pelas”dan sotib olingan “Bavariya” hujumchisi Maykl Olise Chempionlar ligasida debyut uchrashuvini o‘tkazdi va shu zahotiyoq dubl qayd etdi.
Opta portali xabariga ko‘ra, Olise 27 yil ichida Chempionlar ligasining ilk o‘yinida ikkita gol urgan birinchi fransuz bo‘ldi. Tyerri Anri 1997 yilda shunday natijani qayd etgandi.