Viktor Osimxen “Manchester Yunayted” bilan muzokaralarni qayta boshladi.
Avvalroq, 26 yoshli nigeriyalik futbolchi “Al-Hilol” bilan shaxsiy shartnoma shartlarini kelisha olmagani ma’lum bo‘lgandi.
Footmercato xabariga ko‘ra, Osimxen Saudiya Arabistoni klubiga o‘tmaydi va allaqachon “Manchester Yunayted” bilan muloqotga qaytgan.
Ayni paytda bir necha hafta oldin ingliz klubi bilan muzokaralar to‘xtatilgan shartlar muhokama qilinmoqda: futbolchining 12 mln yevro maoshi va “Napoli” uchun 75 mln yevro tovon puli.
Hujumchi o‘tgan mavsum “Galatasaroy” safida ijara asosida to‘p tepgan edi. U klub safida barcha musobaqalarda 41 ta o‘yinda maydonga tushib, 37 ta gol urgan va 7 ta golli uzatmani amalga oshirgan.