Jahon chempionatiga tayyorgarlik doirasida O‘zbekiston U-17 terma jamoasi Janubiy Amerikada yig‘in o‘tkazmoqda. Jamoamiz bugun Chiliga qarshi o‘rtoqlik o‘yinini o‘tkazdi.
Mazkur uchrashuvda Islom Ismoilov shogirdlari Chili yoshlariga qarshi maydonga tushib, kichik hisobda g‘alaba qozondi.
Uchrashuvning 35-daqiqasida Azizbek Erimbetov tomonidan kiritilgan yagona gol bahs taqdirini hal qildi. Shu tariqa yosh futbolchilarimiz o‘rtoqlik o‘yinida ishonchli natijani qayd etdi.
O‘smirlarimiz 13 iyun kuni Chiliga qarshi yana bir marta o‘rtoqlik o‘yinida ishtirok etadi. So‘ngra, jamoamiz 17 va 19 iyun kunlari Boliviyaga qarshi 2 ta bahs o‘tkazadi.
Nazorat uchrashuvi
Chili – O‘zbekiston – 0:1
Gol: Azizbek Erimbetov (35’)