“Barselona” PSV vingeri Ivan Perishichni sotib olmoqchi emas. Bu haqda jurnalist Migel Anxel Lopes xabar berdi.
Manbaga ko‘ra, “blaugranalar” bor e’tiborini boshqa hujumchilarga qaratgan. Manbaning ta’kidlashicha, Ivan Perishich boshqa variantlarni, jumladan PSV bilan shartnomasini uzaytirishni ham ko‘rib chiqa boshlagan.
36 yoshli xorvatiyalik futbolchi “Barselona”dan taklif kutishda davom etayotgani avvalroq xabar qilingandi. 2024/25 yilgi mavsumda Perishich barcha turnirlarda 39 ta o‘yinda maydonga tushib, 16 ta gol urdi va 11 ta golli uzatmani amalga oshirdi.