Superliga 19-tur o‘yinida “Sherlar” 21 sentyabr kuni Olmaliqqa safar qilishadi.
Chempionatlar doirasida klublar 55 bor to‘qnash kelishgan. “Sherlar” 47 bellashuvda zafar quchishgan, 4 o‘yinda “Metallurg” g‘olib chiqqan. 4 uchrashuvda jamoalar durang o‘ynashgan. “Paxtakor” 145 gol urib, o‘z darvozasidan 43 to‘p olib chiqqan.
Bekobod jamoasining o‘zaro o‘yinlardagi so‘nggi g‘alabasi 2016 yilgi mavsumda kuzatilib, o‘z maydonida 2:0 hisobida yutuqqa erishgan. O‘zaro bahslarda eng yirik g‘alaba – 6:0 natijasi “Paxtakor”ga tegishli. 2003 va 2006 yillarda “Sherlar” raqibni shunday natijalar bilan dog‘da qoldirishgan.
Bekobodda o‘tgan uchrashuvlarning 21tasida “Sherlar” g‘alaba qozongan, ikki bellashuv durang bilan tugagan bo‘lsa, 4ta to‘qnashuvda “Metallurg” ustun kelgan. Mehmondagi o‘yinlarda 61 gol urilib, 20 to‘p o‘tkazib yuborilgan. Safardagi oxirgi 8ta o‘yinda jamoamiz zafar quchgan.
“Metallurg” va “Paxtakor” o‘rtasidagi uchrashuv 21 sentyabr, shanba kuni Olmaliqdagi OKMK stadionida soat 17:00da boshlanadi.