Madridning «Real» jamoasi va Braziliya terma jamoasining sobiq hujumchisi Ronaldo Ispaniyaning «Valyadolid» klubidagi nazorat paketini sotdi. Bu haqda futbol klubi matbuot xizmati xabar berdi. Braziliyalik afsona 2018 yilda klubning egasiga aylangan edi.
«Real Valyadolid» futbol klubi kuzatuv kengashi raisi va asosiy aksiyadori Ronaldo Luis Nazario de Lima klubdagi nazorat paketini moliyaviy jihatdan Yevropa fondi tomonidan qo‘llab-quvvatlanayotgan Shimoliy Amerika investisiya guruhiga topshirish bo‘yicha shartnoma imzolanganini e’lon qiladi. Bu yangi bosqichni belgilaydigan loyiha haqidagi batafsil ma’lumotlar yaqin kunlarda e’lon qilinadi», — deyiladi klubning rasmiy saytidagi bayonotda.
Ayni paytda «Valyadolid» Ispaniya chempionati jadvalida oxirgi o‘rinda bormoqda. Jamoa 37 turdan so‘ng 16 ochko to‘plagan va elita divizionida qolish imkonini yo‘qotgan.