Bundan roppa-rosa 15 yil muqaddam, 2009 yilning 20 sentyabr kuni Karim Benzema «Haqiqiy» safidagi ilk golini urgan edi. Bu Ispaniya chempionatining 3-turi doirasidagi o‘yinda ro‘y berdi, o‘shanda «Los-Blankos» o‘z maydonida «Xeres»ni 5:0 hisobida mag‘lub etgandi.
O‘shanda Benzema jarima maydonchasi tashqarisidan chap oyoqdan kuchli zarba yo‘llagandi. Fransuzning goli hisobni 3:0 dan 4:0 ga o‘zgartirdi.
Eslatib o‘tamiz, 2009 yilning yozida Karim Benzema «Lion»dan «Real»ga o‘tgandi. Fransiyalik futbolchi Madrid klubida 14 mavsum o‘tkazdi, shundan so‘ng Saudiya Arabistonining «Al-Ittihod» klubiga yo‘l oldi.