Bugun Superliganing 3-tur doirasidagi markaziy uchrashuvlardan biri Qarshi shahrida o‘tkaziladi. Amaldagi chempion “Nasaf” jamoasi Farg‘onaning “Neftchi” klubini qabul qiladi.
O‘zaro o‘yinlar statistikasiga nazar tashlaymiz. Jamoalar milliy chempionatimiz doirasida 52 marta to‘qnash kelishgan. Bularning 19 tasida “Neftchi” ustun bo‘lgan, 22 ta uchrashuvda “Nasaf” ning qo‘li baland kelgan. Qolgan 11 ta bahsda durang natijasi qayd etilgan. Kiritilgan va o‘tkazib yuborilgan to‘plar nisbati 68-58 qarshiliklar foydasiga.
“Neftchi” jamoasining “Nasaf” ustidan qo‘lga kiritgan eng yirik g‘alabasi 1999 yilda 4:0 hisobida qayd etilgan. Qarshiliklar esa 2003 yili 4:1 hisobida zafar quchgan.
Qarshida kechgan so‘nggi 5 uchrashuv natijalari quyidagicha
20.06.2024.
“Nasaf”-“Neftchi” 1:0
07.10.2023.
“Nasaf”-“Neftchi” 2:0
07.11.2022.
“Nasaf”-“Neftchi” 0:1
04.11.2018 ..
“Nasaf”-“Neftchi” 2:0
14.05.2018.
“Nasaf”-“Neftchi” 2:0
Eslatma, 29 mart kuni Qarshidagi” Markaziy” o‘yingohida bo‘lib o‘tadigan bellashuvni Ahrol Risqullayev boshchiligidagi hakamlar guruhi boshqarib boradi. Uchrashuv soat 18:30 da boshlanadi.
