Murabbiy Marko Baroni tez orada “Torino”da ish boshlaydi. Bu haqda jurnalist Janluka Di Marsio xabar berdi.
Manbaga ko‘ra, tomonlar muvaffaqiyatli muzokaralar olib borgan va 2 mavsum muddatga kelishuvga erishgan. Hujjatlar jamoaning avvalgi ustozi Paolo Vanoli bilan shartnoma rasman bekor qilingandan keyin imzolanadi.
“Torino” o‘tgan mavsumni 44 ochko to‘plagan holda A Seriyada o‘n birinchi o‘rinda yakunladi. Italiya kubogida klub faqat bir raunddan o‘ta oldi. Natijada rahbariyat Vanoli bilan shartnomani uzaytirmaslikka qaror qildi. Marko Baroni yaqin vaqtgacha “Lasio”da ishlagan. Bir hafta oldin uning “Torino”ga o‘tishi mumkinligi ma’lum bo‘lgandi.