Londonning “Chelsi” klubi 2024 moliyaviy yili natijalari bo‘yicha so‘nggi 5 yillikning eng qimmat klub sifatida qayd etildi.
UYEFAning yillik hisoboti — “Evropa klublarining moliyaviy va investisiya muhiti”ga ko‘ra, “Chelsi” tarkibini shakllantirish uchun sarflangan mablag‘ rekord — 1,656 milliard yevroni tashkil etdi. Bu 2023 yildagi “Manchester Yunayted”ning 1,422 milliard yevrolik ko‘rsatkichidan ham yuqori.
Biroq katta sarmoyalarga qaramay, klub mavsum-2023/2024 da muvaffaqiyatga erishmagan — hech qanday sovrin yutmagan va Chempionlar Ligasiga chiqa olmagan.
Transferlar va xarajatlar
“Chelsi” 2022 yil yozda Todd Boeli va Clearlake Capital konsorsiumi tomonidan sotib olinganidan buyon juda katta transfer faoliyati olib bordi. Klub 6 ta transfer oynasi davomida 41 nafar futbolchini xarid qildi.
2019 yil iyuldan 2024 yil iyungacha “Chelsi”ning transferlar uchun sarflagan mablag‘i 2 milliard yevroga yaqin, bu eng yaqin raqiblariga nisbatan 66% ko‘proq:
– «Manchester Siti» – 1.175 mlrd yevro
– «Arsenal» – 1.145 mlrd yevro
– “Barselona” – 733 mln yevro
– «Liverpul» – 657 million yevro
Joriy mavsumdagi holat
Hozirda “Chelsi” APLda 5-o‘rinni egallab turgan bo‘lsa, Yevropa Ligasi musobaqasida o‘z ishtirokini davom ettirmoqda. Jamoa 46 ochko jamg‘argan va Chempionlar Ligasi zonasiga chiqish uchun faqat 1 ochko yetishmayapti – “Manchester Siti” 47 ochko bilan 4-o‘rinda.