“Liverpul” derbida “Everton”ga qarshi kechgan bahsda g‘alabani qo‘ldan boy berdi, o‘yin 2:2 hisobidagi durang bilan yakunlandi. Shunday bo‘lsa-da, “qizillar” APLdagi peshqadamlikni davom ettirdi, ikkinchi o‘rindagi “Arsenal” endilikda “Liverpul”dan 7 ochko ortda qolmoqda.
“Gudison Park”dagi o‘yindan so‘ng “qizillar” sardori Virjil van Deyk chempionlik poygasi haqida o‘z fikrlarini bildirdi.
“Milliy terma jamoalar o‘yinlari uchun tanaffusgacha hali ko‘p o‘yinlarimiz bor. Biz o‘zimizni yaxshi holatga keltirdik va bu mehnat, sifat va barqarorlik tufaylidir.
Biz faqat o‘zimizga qarashimiz kerak – boshqalarga emas. Siz o‘zingizga e’tibor qaratishingiz va yaxshiroq bo‘lishingiz kerak.
Biz o‘zimizni yaxshi holatga keltirdik va davom etamiz”, dedi van Deyk.