Mattias Yayssle Saudiya Arabistonidagi futbol rivoji haqida gapirdi.
“Xoffenxaym”ning sobiq himoyachisi “Al-Ahli”ni 2023 yildan buyon boshqarib kelmoqda.
– “Al-Ahli”ga o‘tguningizcha Yevropada, “Zalsburg”da ishlagansiz. Saudiya ligasida ishlash juda boshqacha, deysizmi?
“Biz Yevropadagi kabi murabbiylik qilamiz. Albatta, bu yerda vaziyat biroz boshqacha. Shu nuqtai nazardan, qo‘shimcha muammolar bor: bu yerda hamma narsa yangi, ular (saudiyaliklar) chempionat rivojlanishini xohlashadi va bu juda tushunarli.
Mana bir yarim yildan beri shu yerdaman. Bu transferlarning barchasi, Pioli, Blan, Jezus kabi buyuk murabbiylarning kelishi… bu yerda top futbolchilar, top-murabbiylar bor.
Mana shunday yondashuv, Saudiya Arabistoni: chempionatni, umuman sportni rivojlantirish g‘oyasi va bu tushunarli.
Rostini aytsam, Bundesliga, Liga 1 kabi chempionatlar bilan solishtirish qiyin… Futbolchilar bor, sifat bor, lekin vaqt kerak. Ammo biz to‘g‘ri yo‘ldamiz”, – deydi Yayssle.