“Manchester Yunayted” kelasi yozda hujumchi Viktor Osimxenni o‘z safiga qo‘shib olishga yana bir bor urinib ko‘radi.
Nigeriyalik futbolchi “Napoli”ga tegishli, ammo joriy mavsumni “Galatasaroy”da ijarada o‘tkazmoqda. Jurnalist Din Jonsning ma’lum qilishicha, “Manchester Yunayted” Osimxenni yozgi transferlar oynasidagi ustuvor maqsad sifatida belgilagan. “Qizil iblislar” rahbariyati futbolchini maoshini qisqartirishga ko‘ndirmoqchi. Ayni paytda forvard haftasiga 250 ming funt (taxminan 300 ming yevro) maosh olmoqda.
Viktor Osimxenga Londonning “Chelsi” va “Arsenal” klublari ham qiziqish bildirgan. 26 yoshli futbolchining narxi 75 mln yevroga baholanmoqda.