Braziliyalik yarim himoyachi Duglas Luis Turinning “Yuventus” klubida o‘z samarasini bera olmadi. Tuttosport portali jurnalistlarining xabar berishicha, “keksa sinora” yozgi transfer oynasida 26 yoshli yarim himoyachini sotishga qaror qilgan.
Italiya top-klubi Duglasni sotishdan taxminan 40 million yevro ishlab olishni kutmoqda. Matbuotda “Nottingem Forest” Luisni o‘z safiga qo‘shib olishga qiziqayotgani haqida xabar berilgandi.
Braziliyalik futbolchi o‘tgan yozda Birmingemning “Aston Villa” klubidan 51,5 million yevro evaziga “Yuventus”ga o‘tgan edi. Tomonlar o‘rtasidagi amaldagi shartnoma 2029 yilning iyun oyi oxirida tugaydi.