Microsoft Windows 11 da skaner bilan ishlashda muammo borligini tasdiqladi va yangilanishni bekor qildi. Bu haqda Neowin portali xabar berdi.
Muammo Windows 11 versiyasi 24H2 operatsion tizimida eSCL protokolining to'g'ri ishlamasligi bilan bog'liq. Shu sababli kompaniya tegishli yangilanishni blokladi.
Microsoft ma'lumotlariga ko'ra, muammoning sababi eSCL dan keyin qurilmaning USB rejimiga o'ta olmasligidir.
“Windows 11 24H2 versiyasini o‘rnatganingizdan so‘ng siz eSCL skanerlash protokolini qo‘llab-quvvatlaydigan USB qurilmalarini aniqlashda muammolarga duch kelishingiz mumkin. Qurilma ulangan USB qurilmasini aniqlay olmasligi mumkin. Bu muammo birinchi navbatda USB-ga ulangan MFP yoki skanerlash funksiyasi va eSCL protokolini qo‘llab-quvvatlaydigan mustaqil skanerlarga ta’sir qiladi”, — deyiladi Microsoft bayonotida.
eSCL bu drayverlarni o'rnatmasdan hujjatlarni skanerlash imkonini beruvchi skanerlar uchun mo'ljallangan protokol. U tarmoq va USB skanerlash imkoniyatlarini taqdim etadi. Muammo qurilma eSCL rejimidan USB rejimiga o‘ta olmagani uchun yuzaga keladi.