Janubiy Koreya giganti Samsung kompaniyasi elektron chiqindilarni kamaytirish va qayta ishlashni rag‘batlantirish maqsadida Galaxy Easy Compensation dasturini ishga tushirdi. Dastur 14-yanvar kuni Janubiy Koreyada ishga tushirildi, bu foydalanuvchilarga o‘zlarining ishlatilgan Galaxy smartfonlarini tezda sotish imkonini beradi.
Samsung yaqin kelajakda dasturni xalqaro bozorlarga kengaytirishni rejalashtirmoqda. Bu haqda Neowin nashri xabar berdi.
«Biz ushbu dastur Galaxy mahsulotlarining uzoq muddatli qiymatini oshirish va aylanma iqtisodiyotni rivojlantirishga hissa qo'shishini kutamiz», dedi Samsung Electronics Koreya vitse-prezidenti Chjon Xo-jin.
Dastur sizga yangi modelni sotib olmasdan eski telefoningizni sotish imkonini beradi. Bu nafaqat elektron chiqindilarni kamaytirishga yordam beradi, balki Galaxy egalariga o'z qurilmalarida yaxshi narxlarni olishini ham ta'minlaydi.
Dastur Galaxy S23, S22, S21, S20, Z Fold5, Z Fold4, Z Fold3, Z Flip5, Z Flip4 va Z Flip3 modellariga tegishli. Qo'llab-quvvatlanadigan modellar mamlakatga qarab farq qilishi mumkin.
Ishtirok etish uchun foydalanuvchilar Samsung.com saytiga tashrif buyurishlari, Galaxy Easy Compensation sahifasida o‘z qurilmasining qiymatini baholashlari va agar ular taklifni qabul qilsalar, kompaniya ko‘rsatmalariga muvofiq telefonni kuryer orqali yuborishlari kerak. Telefonning holatini tekshirgandan so'ng, Samsung uni Zo'r, Yaxshi yoki Qayta ishlangan deb tasniflaydi va shunga mos ravishda narxni belgilaydi.