Rossiyaning “Roskosmos” davlat korporatsiyasi Kamchatkadagi Shiveluch vulqonining otilishi aks etgan kadrlarni chop etdi.
Video Arktika-M gidrometeorologik sun’iy yo‘ldoshi yordamida yozib olingan. Roskosmos xabar berishicha, vulqon otilishi paytida dengiz sathidan 11 km balandlikda havoga kul ustunlarini uloqtirgan. Shu bilan birga, davlat korporatsiyasi sun'iy yo'ldoshlar otilish faolligini kuzatishda davom etishiga aniqlik kiritdi.
“Kamchatkada Shiveluch vulqoni otildi. Kuchli portlash 7-noyabr kuni boshlangan. Mutaxassislarning fikricha, vulqon dengiz sathidan 10-11 km balandlikka kul ustunlarini sochgan, kul buluti janubi-sharqda joylashgan. Roskosmos Arktika-M sun’iy yo‘ldoshi uning faoliyatini kuzatib boradi”, — deyiladi kompaniya xabarida.
Avvalroq Roskosmos birinchi “Soyuz-2.1a” raketasi uchirilganining 20 yilligi haqida xabar bergan edi.