Poco o‘zining global veb-saytini 2024-yil 31-dekabrdan boshlab yopilishini e’lon qildi. Bu haqda Rozetked xabar bermoqda.
Barcha po.co saytlari, jumladan po.co/global, po.co/uk va po.co/fr 21 oktyabrdan 31 dekabrgacha yopiladi. Poco brendi qurilmalarini faqat Xiaomi veb-saytida xarid qilish mumkin.
Shuni ta'kidlash kerakki, barcha mijozlarni qo'llab-quvvatlash, taqdim etilgan mahsulotlar, xizmatlar va bonus ballari ham Xiaomi platformasiga o'tkaziladi. Bundan tashqari, Poco Store ilovasi yopiladi.
Barcha veb-saytlar yopilganiga qaramay, Poco India (poco.in) odatdagidek ishlashda davom etadi.
Poco – Xiaomi kompaniyasining subbrendidir, 2018 yilda o'rta darajadagi smartfonlar qatori sifatida tashkil etilgan. 2020-yil 17-yanvarda Poco India mustaqil brend maqomini oldi va oʻsha yilning noyabr oyida global brend Xiaomi’dan ham ajralib chiqdi.
Poco kompaniyasining birinchi smartfoni 2018-yil avgust oyida chiqarilgan Pocophone F1 bo‘ldi. U o‘rta darajadagi qurilma narxida flagman apparat taklif qildi va bu uni mashhur mahsulotga aylantirdi.