Vashingtonda Oq uyda AQShning yirik texnologik kompaniyalari, jumladan Amazon, Google, Microsoft va Cloudflare vakillari bilan ushbu texnologiyalarni turli mamlakatlarda internet-tsenzuradan qochish vositasini ishlab chiqish uchun qo'shimcha resurslar bilan ta'minlash imkoniyatlari muhokama qilindi. Bu haqda Reuters xabar bermoqda.
AQSh Ochiq Texnologiyalar Jamg'armasi (OTF) tomonidan qo'llab-quvvatlangan ushbu vositalar Rossiya, Eron va Myanma kabi Internetga kirish imkoniyati cheklangan mamlakatlarda keng qo'llaniladi, deb yozadi agentlik. OTF prezidenti Laura Kanningem so‘nggi yillarda, ayniqsa, Rossiya va Erondagi foydalanuvchilar tomonidan virtual xususiy tarmoq (VPN) ilovalariga talab sezilarli darajada oshganini aytdi.
VPN-lar foydalanuvchilarga geografik kontent cheklovlarini yoki hukumat tsenzurasini chetlab o'tib, o'z shaxsini yashirish va internetdagi joylashuvini o'zgartirish imkonini beradi. Biroq, AQSh Davlat departamenti tomonidan ko'paygan mablag'larga qaramay, OTF hali ham ushbu xizmatlarga o'sib borayotgan talabni qondirish uchun kurashmoqda.
Yig‘ilishda sanab o‘tilgan mamlakatlarda VPN talabini qondirish uchun server o‘tkazish qobiliyatiga chegirmalar yoki subsidiyalar berish imkoniyati muhokama qilindi. Texnologiya kompaniyalari vakillari hozircha bu tashabbusga izoh bermagan.