Germaniya kansleri Olaf Sholsning aytishicha, Germaniya uzoq muddatda Rossiyaga qarshi sanksiyalar va uni chetlab o‘tishga qarshi kurash masalasi bilan shug‘ullanadi. Bu haqda RIA Novosti yozmoqda.
Nemis siyosatchisi O‘zbekistonga rasmiy tashrif bilan keldi, so‘ngra Qozog‘istonga boradi. U turli davlatlar rahbarlari bilan Rossiyaga qarshi sanksiyalar masalasini muhokama qilayotganini ochiq aytdi.
“Bu biz amalga oshirayotgan va uzoq vaqt davomida amalga oshirishda davom etadigan missiya. Men bunga mutlaqo aminman”, dedi bosh vazir.
Uning qo‘shimcha qilishicha, Germaniya Markaziy Osiyo davlatlari bilan iqtisodiy va siyosiy hamkorlikni rivojlantirishda davom etadi.
Avvalroq Saksoniya-Anxalt federal shtati bosh vaziri Rayner Xaseloff Sharqiy Germaniya va uning xalqi Rossiyaga qarshi iqtisodiy sanksiyalar va ularning mahalliy iqtisodiyot uchun oqibatlaridan aziyat chekayotganini aytgan edi.