ISTANBUL, 17 yanvar. NTV telekanali Istanbulda soxta alkogoldan zaharlanish oqibatida vafot etganlar soni 4 kun ichida 37 kishiga yetganini ma’lum qildi.
Avvalroq 32 kishining o‘limi haqida xabar berilgan edi. Halok bo‘lganlarning aksariyati O‘zbekiston va Turkmaniston fuqarolaridir.
Hafta boshidan buyon Istanbuldagi tibbiyot muassasalariga 90 ga yaqin odam soxta spirtli ichimlik ichib borgan va ularda metanoldan zaharlanish tashxisi qo‘yilgan. Zaharlanish holatlarining aksariyati Turkmaniston va O‘zbekiston asosan yashaydigan hududlarda qayd etilgan.
Istanbul gubernatori matbuot xizmatining ma’lum qilishicha, mahalliy politsiya tomonidan olib borilgan operatsiyalar davomida 32,9 ming litr metil va etil spirti musodara qilingan. Soxta alkogol mahsulotlarini ishlab chiqarish va sotishda gumon qilinib, 15 nafar shaxs, jumladan, mahalliy Jinoyat kodeksining “Qasddan odam o‘ldirish jinoyati” moddasi bo‘yicha sud qarori bilan 4 nafar shaxs hibsga olindi.
Istanbul hukumati qaroriga ko‘ra, shahardagi 60 dan ortiq muassasa yopildi va ularning soxta spirtli ichimliklar sotish litsenziyasi bekor qilindi.